Внимание!
Эта страница из архивного сайта. Информация может быть не актуальной.
Адрес нового сайта -
http://chebs.cap.ru/
23 апреля 2015 г.
Акан 21-мeшeнче К.В. Иванов ячeллe Чaваш патшалaх академи драма театрe хaйeн чeнтeрлe чаршавне Шупашкар районeнчи шкул ачисемпе вeрентекенeсем валли уçрe. Чaваш Республикинчи чaваш чeлхипе литератури эрнине хутшaнса К.В. Иванов çулталaкне халалланa спектакль премьерине, И.С. Максимов-Кошкинскин "Вeри юнлa çемçе чун" ("Константин Иванов") икe пайлa драмине, курчeç шкул ачисем.
Спектакль умeн куракансене СССР халaх артисчe, спектакль режиссёрe тата художникe Валерий Яковлев театр çинчен каласа пачe. Шупашкар район администрацийeн вeрентÿ управленийeн пуçлaхe Борис Романов вeренекенсене уявпа саламларe, Чaваш наци конгресeн вeрентÿ комитечeн пайташe, республикaри чaваш чeлхипе литератрине вeрентекенсен ассоциацийeн ертÿçи Г.Л. Никифоров литература çулталaкeнче иртекен конкурссемпе викторинaсене шкул ачисене хастар хутшaнма чeнсе каларe. Чaваш Республикин тава тивeçлe вeрентекенe А.В. Ишова чaваш пулнишeн мaнаçланмалли, тaван чeлхене татах та юратса вeренмелли çинчен каларe, Е.А. Майков вeрентекен театрта литература урокe пуçланни çинчен пeлтерчe.
Спектакль 2 сехет те 50 минута пычe. Çак вaхaтра куракансем "Нарспи" поэма авторeн Константин Ивановaн кун-çулeпе паллашрeç, чaн пурнaçри пулса иртнe пулaмсене курса артистсем aста вылянине пaхса (Константин Иванов, Федор Павлов, Иоаким Максимов, Праски, Макçaм, И.Я. Яковлев тата ыт.) савaнса-тeлeнсе ларчeç. Республикaри сумлa театрaн артисчeсем сaнарсене калaпласа куракансен чунeсене витерчeç, залра ларакансенчен нумайaшe туйaмeсене ирeке ячeç - куççульленчeç, спектакль вeçленсен тaвaллaн алa çупса тав турeç, чечексем парнелерeç. Спектакль пуçланиччен шкул ачисем К.В. Иванов палaкe умeнче пуçтарaнса флешмоб ирттерчeç, "Нарспи" поэма сыпaкeсене вуларeç, асaнмалaх сaн ÿкерeнчeç.
"Театр - ачасене" акцие (билетсене çур хакпа) Чaваш академи драма театрe Шупашкар районeн вeренекенeсем валли виççeмeш хут ирттерет. Иртнe çулсенче Ф. Павловaн "Ялта", П. Осиповaн "Айтар" драмисене курнaччe. Вeренекенсемпе вeрентекенсен ячeпе ЧПАДТ артисчeсене малашне те aнaçу сунатпaр.